வலையுலக சேற்றிற்கு எதிராக இராகுல்காந்தி வழக்கு

பஜரங் தள வலைத்தளமான Hinduunity.org இன் ரோஹித் வியாஸ்மான் மற்றும் போடேக்கு எதிராக தவறான செய்திகளை வெளியிடுவதாக இராகுல் காந்தி மானநட்ட வழக்கு தொடுத்துள்ளார். அமேதி தொகுதி யில் அவரது நடவடிக்கைகளைக் குறித்த அந்த செய்திகளுக்கு எந்த ஒரு ஆதாரமும் இல்லை என அவரது வழக்கறிஞர் அபிஷேக் சாங்க்வி கூறியுள்ளார். இது பற்றிய யாஹூ செய்தியில் காங்கிரஸ் தலைவர்கள் இதுபற்றி கருத்துக் கூறமறுப்பதை சுட்டியிருக்கிறார்கள்.

இதற்கு முன்னர் அமெரிக்க வார இதழ் நியூஸ்வீக் அவர் பட்டதாரி என்பதும் பன்னாட்டு நிறுவனத்தில் பணிபுரிந்தார் என்பதும் உண்மையில்லை என்று வெளியிட்டு பின்னர் மன்னிப்பு கேட்டனர் என்றும் அச்செய்தியில் குறிப்பிடப் பட்டுள்ளது.

Best-selling author Sidney Sheldon dead at 89

தனது எழுத்துக்களால் புத்தக விற்பனையில் சாதனைகள் படைத்த நாவலாசிரியர் சிட்னி ஷெல்டன் தமது 89 ஆவது வயதில் கலிஃபோர்னியாவில் மறைந்தார். அவரது நாவல்கள் உலக அரசியல்பின்ணனியில் விறுவிறுப்பாக அமைந்திருந்தது அவரது புகழிற்கு காரணமாக அமைந்தது. அவரது 18 நாவல்களும் 300 மிலியன் பிரதிகளுக்கும் மேலாக விற்று சாதனை படைத்துள்ளன. தனது ஆரம்ப வாழ்வில் திரைக்கதை ஆசிரியராக வேலை பார்த்து ஆஸ்கார் பரிசு பெற்றதும் குறிப்பிடத் தகுந்தது.

அவரின் மறைவிற்கு எமது அஞ்சலிகள்.

தினகரனே, திரும்பி வா !!

தமிழ்மணத்தை நுகர்வோருக்கும் தேன்கூட்டில் மது களிப்போருக்கும் வலையுலக வாசகர்களுக்கும் மணிமலரின் இனிய பொங்கல் வாழ்த்துக்கள் !!

பழையன கழித்தலும் புதிய வருடத்தை வரவேற்பதும் சோறளித்த கதிரவனுக்கும் காளைகளுக்கும் வந்தனை செய்வதுமாய் களித்திருக்கும் நாளில் புத்தாடையுடுத்தி புது அரிசிகொண்டு பொங்கும் பொங்கல்போல் மங்காத வளம் சேர மீண்டும் வாழ்த்துகிறேன் !!

பொங்கலோப் பொங்கல் !!